Kentaý murajaıy qundy jádigerlermen tolyqty
Іshinde Uly Otan soǵysy jyldarynda keńes áskerleri bastaryna kıgen kaskalar, oq tesip ótken nemis áskerleriniń kaskalary jáne jaýyngerler tamaq ishken ydystar, sol tustaǵy basylym paraqshalary, odan bólek ákesi Ábdi talaı jyl boıy qoldanǵan aǵashtan jasalǵan baıan, aıaq-kıimniń qalyptary jáne ózge de qundy jádigerler bar.
Jıyn barysynda qala ákimi Ábdibaqyt Maqulbaev uıymdastyrylǵan is sharanyń mańyzdylyǵynyń joǵary ekendigin atap ótip, ıgi iske uıytqy bolǵan Sherhan Ábdiulyna alǵysyn bildirdi. Qalalyq máslıhat hatshysy Talǵat Balabıev, ardagerler keńesiniń tóraǵasy Isahan Jumabaev, aqsaqaldar keńesiniń tóraǵasy Muratbek Abdýllaev, qalamger Rysty Atabekqyzy el aǵasynyń eldik isterin sóz etti.
Birshama qala turǵyndary Uly Otan soǵysyndaǵy jeńistiń 70 jyldyq medalimen marapattaldy. Murajaı ujymy da Sherhan Ábdiulyna jasaǵan ıgi isi úshin alǵys hat tabys etti. Kópshilik mýzeıge qoıylǵan zattardy kórip, tamashalady. Qundy jádiger ótken tarıhymyzdan syr shertetin dúnıelerge jatady. Keıingi urpaq tarıhı kezeńderdi tek kitaptan oqyp qana qoımaı, sol zamanda paıdalanylǵan zattardy mýzeılerden kórý arqyly basqasha paıym jasaýy bek múmkin. Sondyqtan, mýzeılerimizdi neǵurlym tarıhı zattarmen jáne qundy jádigerlermen tolyqtyryp otyrý basty nazarda bolýy tıis.
