Kentaý men Túrkistandy baılanystyratyn jańa jol paıdalanýǵa berildi
Kentaý men Túrkistandy baılanystyratyn jańa jol paıdalanýǵa berildi, dep habarlaıdy Kazinform.
Atalǵan jol - Jambyl oblysy jáne Sozaq aýdany men Kentaý qalalaryn oblys ortalyǵy Túrkistan qalasymen jalǵaıdy. Sondaı-aq Kentaý qalasynan Túrkistan halyqaralyq áýejaıyna tikeleı barýǵa múmkindik bar.
Jobaǵa sáıkes joldyń 26 shaqyrymyna asfalt jabyndysy tolyq tóselgen. Uzyndyǵy 100 metr kópir qaıta jóndeýden ótip, 4 jerge mal ótkeli men 27 jerden sý ótkizgish qubyrlar salynǵan.
Jolda qaýipsizdikti qamtamasyz etý maqsatynda 331 dana jaryqsham ornatylǵan. Sonymen qatar 6 aıaldama jáne eldi meken ataýlary, tıisti jol belgileri men jol tańbalary syzylǵan.
Qazirgi tańda jol paıdalanýǵa berilgennen bastap Túrkistan qalasy men Kentaý qalasy arasyndaǵy kólik keptelisi edáýir azaıyp otyr.
