Kentaý mańynda jeńil kólik «Gazelmen» soqtyǵysyp, 7 jolaýshy jaraqat aldy
TÚRKІSTAN. QazAqparat - Túrkistan oblysynda jolaýshylar tasymaldaıtyn «Gazel» jeńil avtokólikpen soqtyǵysyp, jeti jolaýshy jaraqat aldy. Jeńil kóliktiń júrgizýshisi oqıǵa ornynda jan tásilim etti, dep habarlaıdy QazAqparat.
Oblystyq ІІD baspasó qyzmetiniń málimetinshe, jol kólik oqıǵasy keshe Kentaý - Túrkistan tas jolynyń boıynda oryn alǵan.
«Aýdı» avtokóliginiń 43 jastaǵy júrgizýshisi róldi basqara almaı, joldyń qarsy betine shyǵyp ketken. Sóıtip Kentaýdan Túrkistanǵa qaraı kele jatqan «Gazel» avtokóligimen soqtyǵysqan. Jol-kólik oqıǵasy saldarynan «Aýdı» avtokóliginiń júrgizýshisi oqıǵa ornynda qaıtys boldy. Al jolaýshylar tasymaldaıtyn kólikte bolǵan 7 adam túrli dene jaraqattarymen aýrýhanaǵa jetkizilgen.
«Atalǵan jaıt sotqa deıingi tergeýdiń biryńǵaı tiziliminde QR QK «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» babymen tirkeldi. Saraptama taǵaıyndaldy. Sotqa deıingi tergep-tekserý amaldary júrgizilýde» delingen habarlamada.
