Kentaý qalasynyń eks-ákimine qatysty tergeý aıaqtaldy
2013 jyly ol Premer-Mınıstr Keńsesiniń qyzmetkeri bola otyryp, iri jeke menshik kompanııanyń ıesin jaýapty laýazymdy tulǵalarǵa asa iri somada para berýge kóndirdi. Osy úshin qurylys boıynsha tenderde jeńisti qamtamasyz etýge ýáde berdi. Talap etilgen somany alyp, ózine qaldyryp, aqshasynyń bir bóligin Astana qalasynan jańa úı, qymbat turatyn avtokólik jáne birneshe júk tehnıkasyn satyp alýǵa jumsady.
Onyń áreketteri asa iri kólemde para berýge arandatý jáne alaıaqtyq retinde saralanǵan, tergeý sotynyń sanktsııasymen ol qamaýda otyr.
Qazirgi ýaqytta qylmystyq is materıaldary qabyldanǵan sheshimniń zańdylyǵyn tekserý jáne odan ári sotqa joldaý úshin Astana qalasynyń prokýratýrasyna tapsyryldy.
Tergeý múddesi úshin ózge aqparat jarııa etýge jatpaıdy.
Sonymen birge, Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik Kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.
