Kentaý qalasynyń ákimi qurylys jumystary men joldardyń jóndelý barysymen tanysty
KENTAÝ. QazAqparat – Túrkistan oblysy, Kentaý qalasynyń ákimi Daýren Mahajanov qaladaǵy qurylysy qarqyn alǵan jumystardyń barysyn aralap, eldegi tótenshe jaǵdaıǵa qatysty talaptar men saqtyq sharalarynyń qatań saqtalýyn tekserdi. Joldardyń jóndelý barysymen tanysyp, jumysshylarmen kezdesti, dep habarlaıdy QazAqparat tilshisi.
Qala basshysy qaladaǵy kóp qabatty turǵyn úılerdiń aýmaǵyndaǵy salynyp jatqan joldar, salynatyn kólik turaǵy men oıyn alańshalardyń jobasymen tanysty. Barlyq jumysshylarǵa is barysynda tıisti saqtyq sharalaryn qatań túrde saqtap júrý týraly talap qoıylǵanyn jetkizdi.
«Qalaǵa eń qajetti, turǵyndar jaıly tynystaıtyn oryndar men balalarǵa zamanýı oıyn alańshalar ornatýymyz qajet. Salaýatty ómir saltyn ustanýǵa beıimdeıtin sport alańdaryn kóbeıtý kerekpiz»,- dedi .
Qala basshysy júzege asatyn qurylys jumystarynyń sapaly ári ýaqytynda atqarylýy kerektigin eskertti. Qaladaǵy árbir qurylys jumystary onyń únemi nazarynda bolatynyn eskertti. Aıta keteıik, Kentaý qalasynda 2020 jyly 44 kópqabatty turǵyn úılerdiń ishki joldaryn tolyqtaı qurylystan ótkizý josparlanǵan. Sondaı-aq, sport alańshalary men zamanaýı oıyn alańshalar memlekettik jekemenshik áriptestik aıasynda ornatý qarastyrylǵan. Bolashaqta kendi qalanyń árbir kóshesi tegis joldar men gúldengen gúlzarlarǵa, zamanýı oıyn alańshalarmen qamtylmaq.
