Kentaý qalasynyń ákimi aýyl turǵyndarynyń usynys, pikilerin tyńdady

Osydan bir jyl buryn Túrkistan qalasyna qaraǵan 12 aýyldyq okrýg, QR Tuńǵysh Prezıdentiniń jarlyǵymen atalmysh aýyldar Kentaý qalasyna berilgen bolatyn. Sodan beri, qalaǵa qarasty 4 aýyldyń sany artyp, 16-ǵa jetti. Ár aýyldyń áleýmetin nazardan tys qaldyrmaıtyn qala ákimi Dáýren Maqajanov aýyldaǵy birqatar kemshilikterdi nazarǵa alyp, onyń sheshý joldaryn qysqa merzimde qarastyrýdy tapsyrdy.

Bul tapsyrmalar aýyl ákimi men sala basshylaryna júkteldi. Munan soń ákim aýyl turǵyndarymen kezdesip, olar tarapynan aıtylǵan ýájder men usynys, pikilerin tyńdady. Jergilikti halyq qala basshysyna jol, jaryq, kópirlerdi qaıta retke keltirý men aýyldaǵy dárigerlik ambýlatorııanyń jumys shtatyn kóbeıtý sekildi aryz, ótinishterin aıtty. «Árbir turǵynnyń aıtqan máseleleri baqylaýǵa alynyp, zań aıasynda sheshilý jumystary atqarylady. Qazir aýyldyń áleýmettik-ekonomıkalyq jaǵdaıyn arttyrý maqsatynda 3 jyldyq damý jospary jasalyp jatyr. Sonyń aıasynda aýylda birqatar jumystar atqarylatyn bolady. Jalpy aýyldyń áleýetin kóterý barysynda aýyl turǵyndary da úlesterin qosý qajet», - dedi Dáýren Maqajanov.