Kentaý qalasynda jyl sońyna deıin 600 otbasyǵa baspana berilmek
KENTAÝ. QazAqparat – Túrkistan oblysy Kentaý qalasynda jyl sońyna deıin 600 otbasyǵa baspana berimek. Búginde shaǵyn qalada 60 páterli 10 turǵyn úıdiń qurylysy júrgizilýde, dep habarlaıdy QazAqparat tilshisi.
Іrgetasy ótken jyly qalanǵan úılerdiń qurylys-montaj jumystary aıaqtalýǵa jaqyn. Bul baspanalar jyl sońynda, qalanyń 65 jyldyq mereıtoıyna oraı múmkindigi shekteýli jandar men kópbalaly otbasylarǵa berilmek. Sondaı-aq, túrli sanattar boıynsha kezekte turǵan turǵyndarǵa tapsyrylady dep kútilýde.
«Jalpy sany 600 páteri bar úılerdiń aýmaǵy 33240 sharshy metrdi quraıdy. Turǵyn úılerdiń aýlalary abattandyrylyp, balalar oıyn alańshalarymen turǵyndarǵa arnalǵan demalys oryndarymen qamtylatyn bolady», – deıdi qalalyq qurylys bóliminiń basshysy Erlan Aldybaev.
Qalada sonymen qatar 25 páterden turatyn 96 turǵyn úıdiń jobalaý smetalyq qujattamasy ázirlenip otyr. Qurylys jumystary kelesi jyly bastalyp, jańa baspanalar 15 shaǵyn aýdanda boı kóteredi dep josparlanǵan.
