Kentaý qalasynda turǵyndarǵa jańa páterlerdiń kilti tapsyryldy
TÚRKІSTAN. QazAqparat - Táýelsizdik merekesine oraı Túrkistan oblysyna qarasty Kentaý qalasynyń turǵyndary zor qýanyshqa bólendi. Eski Iqan jáne Shaǵa aýyldyq okrýgterinde jańa turǵyn úıler tapsyryldy, dep habarlaıdy QazAqparat tilshisi.
Turǵyndardyń qýanyshymen bólisýge oblys ákimi Janseıit Túımebaev arnaıy baryp, páterlerdiń kiltin saltanaty túrde tapsyrdy. Eski Iqan aýyldyq okrýginde 2 qabatty 10 páterli qyzmettik turǵyn úı óz qojaıyndaryn tapsa, Shaǵa aýyldyq okrýgine qarasty Yntymaq aýylynda da 10 páterli 2 turǵyn úıdiń kilti berildi. Osylaısha Kentaýda jalpy sany 30 páterge turǵyndar qonystandy.
Qyzmettik úılerdiń kiltin alyp, qýanyshqa bólengen jergilikti halyqpen ózara áńgimede Janseıit Qanseıituly mundaı baspanalardyń osynaý meıram qarsańynda oblystaǵy kóptegen azamatqa, naqtyraq aıtsaq 300-den astam turǵynǵa tabystalǵan jetkizdi. Halyqty baspanamen qamtý jumystary budan ári de jalǵasa beretinin aıtqan ákim úılerdiń qutty qonysqa aınalýyna tilektestigin bildirdi.
