Kentaý qalasynda kópqabatty 100 turǵyn úıdi jóndeý jumystary júrgizilip jatyr
KENTAÝ. QazAqparat - Túrkistan oblysy, Kentaý qalasynda kópqabatty 100 turǵyn úıdi jóndeý jumystary júrgizilip jatyr. Oıyn alańshalar men aýlalar da qaıta retke keltirile bastady, dep habarlaıdy QazAqparat tilshisi.
Qalalyq ákimdiktiń málimetinshe, shaǵyn shaharda 368 kópqabatty turǵyn úı bar. Olardy kezeń-kezeńimen kúrdeli jóndeýden ótkizý josparlanǵan. 2019 jyly 1074,2 mln teńgege 44 kópqabatty turǵyn úı retke keltirilgen.
Al, 2020 jylǵa oblystyq bıýdjetten 32 kópqabatty turǵyn úıge tıisti qarjy qaralyp, jóndeý jumystary atqaryldy. Búgingi tańda qalǵan 100 kópqabatty turǵyn úıge respýblıkalyq bıýdjetten 3 274 350,0 myń teńge aqsha bólinip, jóndeý jumystary bastalyp ketti.
Úıler jyl sońyna deıin tolyq jańǵyrtylady dep kútilýde. Sonymen qatar turǵyn úılerdiń aýlalaryn tolyqtaı jóndeýden ótkizý de qolǵa alynyp otyr. Aýlalarǵa aıaqjoldar salynyp, ishki joldar asfalttanady. Zamanaýı qoqys alańy qoıylyp, sońǵy úlgidegi balalar oıyn alańshalary ornatylmaq.
Búginde Kentaýdaǵy Abaı, D.Qonaev, S.Seıfýllın, ıAsaýı kósheleriniń boıyndaǵy birqatar úılerdiń aýlalaryna oıyn alańshalary salynyp, jol tóselgen. Ózge kóshelerdegi aýlalar da nazardan tys qalmaı, bul jumystar 2022 jyldyń sońyna deıin jalǵasady dep josparlanyp otyr.
