Kentaý qalasynda bilim salasy tsıfrlandyrylyp jatyr
Ádil Áýelbekovtyń sózinshe, búginde pedagogtardy jumysqa qabyldaý protsesin avtomattandyrý maqsatynda jumys.sitcen.kz, mektep. sitcen.kz, balabaksha. sitcen.kz saıttary qoldanysqa engizilgen. Qalada 1-10 synyptarda elektrondy kúndelik júıesi jumys istep tur. Elektrondy jýrnaldar men kúndelikter boıynsha kez kelgen ata-ana ǵalamtor arqyly balasynyń úlgerimin qadaǵalaı alady
«Kundelik.kz júıesine qazirgi tańda 2750 muǵalim, 38844 oqýshy, 29658 ata-ana tirkeýli tur. Onlain.sabak.kz saıtyna 43 mektep tirkelgen. Bilim land.kz júıesimen 63 mektep jumys isteýde. 2018-2019 oqý jylynda jalpy bilim qorynan qarjy qarastyrylyp, úsh mektepke robototehnıka jabdyqtary alynǵan bolatyn. Mektepterdegi materıaldyq-tehnıkalyq bazany nyǵaıtý maqsatynda bıyl 22 geografııa, 15 matematıka, 11 tarıh kabıneti jasaqtalyp, 10 lıngafon men 273 kompıýter satyp alynǵan»,- dedi bilim bóliminiń basshysy.
Ádil Áýelbekovtyń sondaı-aq, bıyl ulttyq biliktilik testileýinen ótý arqyly pedagogtardy attestattaýdyń jańa júıesi engizilgenin atap ótti. Al, ótken oqý jylyn kentaýlyq ustazdar jaqsy nátıjelermen aıaqtaǵan.
«Ótken oqý jylynda Kentaý qalasy boıynsha 262 pedagog testileýden ótse, bıylǵy oqý jylynda 896 pedagog testige qatysqan. Al, jańartylǵan bilim mazmuny boıynsha 2503 pedagog arnaıy kýrsta oqyp keldi. Jaratylystaný pánderi boıynsha qaladaǵy 63 mektepte fızıka, hımııa, bıologııa, ınformatıka pánderin aǵylshyn tilinde oqytý elementteri engizilip otyr»,- dedi bilim bóliminiń basshysy.
