Kentaý qalasyna 9 mlrd teńgege jýyq qarjy bólindi
«Óńir basshysy aldymen qaladaǵy №5 jylý ortalyǵynda bolyp, qysqy maýsymdaǵy jylý berý jumystarymen tanysty. Jylý energııasyn óndirý, tasymaldaý jáne qosymsha elektroenergııa óndirýmen aınalysatyn memlekettik mekeme 326 kópqabatty turǵyn úı, 2010 jeke úı, 350 kommertsııalyq nysan jáne 92 bıýdjettik mekemeni jylýmen qamtamasyz etedi. Munda 397 adam jumys isteıdi», dep habarlaıdy oblystyq ákimdiktiń baspasóz qyzmeti.
J.Túımebaev budan keıin elimizde elektromotor, generator jáne transformatordyń 400-den astam túrin shyǵaratyn Kentaý transformator zaýytyn aralap kórdi. Kásiporyn qazirgi tańda shyǵaryp jatqan óniminiń 45 paıyzyn Ortalyq Azııa elderine shyǵarady. Memleket qoldaýymen óndiristiń qýattylyǵy artyp, jańa zamanaýı tehnologııalar óndirilip jatyr. Joǵary kerneýli transformator qurastyrýǵa qol jetkizgen zaýyt ónimderiniń 40 paıyzy shet elderge eksporttalýda.
Kelesi kezekte oblys basshysy barǵan Kentaý qalasynyń ındýstrıaldy aımaǵynda búginde jalpy quny 1878,5 mln teńgeni quraıtyn 5 joba júzege asyrý qolǵa alynǵan. 4,85 ga jer telimine ornalasqan «ıÝgElektroPrıvod», «Elektrodetal», «Besqasqa» jaýapkershiligi shekteýli seriktesteri men «E.Aýezov», «Kenmed» jeke kásipkerlikterinde 125 jańa jumys ornyn ashý josparlanýda.
Sonymen qatar oblys ákimi Jastarǵa qyzmet kórsetý ortalyǵy ortalyǵynda bolyp, qalalyq «Jastar resýrstyq ortalyǵy» kommýnaldyq memlekettik mekemesi jumystarymen tanysty. Munda «Jaıdarman» KVN lıgasymen birge bı, shahmat, toǵyzqumalaq, ústel tennısi úıirmeleri, «OQY» kishi kitaphanasy jumys isteıdi. Ortalyqta jastarǵa psıhologııalyq jáne quqyqtyq keńes beretin psıhologtar men zańger keńesshiler de bar.
Іssapar sońynda J.Túımebaevtyń tóraǵalyǵymen Kentaý qalasynyń áleýmettik ekonomıkalyq damý jaǵdaıy boıynsha májilis ótti. Ózekti máleleler talqylanǵan jıynda shahar basshysy Á.Maqulbaev pen onyń orynbasarlarynyń esep berdi.
Oblys ákimi shahardaǵy nysandardy aralaý barysynda kóptegen problemalardyń bar ekendigine kóz jetkizgendigin aıtyp, kásipkerlikke qoldaý kórsetý baǵytyndaǵy birqatar ındıkatorlyq kórsetkishter oryndalmaı otyrǵandyǵyn alǵa tartty.
«Byltyr josparlanǵan, jalpy somasy 900 mln teńgeni quraıtyn 3 jobanyń birde bireýi ındýstrııalandyrý kartasyna engizilmegen. «Bıznestiń jol kartasy - 2020» baǵdarlamasy boıynsha qarjylandyrylýyn uıymdastyrý josparlanǵan 18 jobanyń 12-i boıynsha másele sheshilmegen. Bul baǵyttaǵy jumystar tıisti deńgeıde júrgizilmeı otyr», - dedi Janseıit Qanseıituly.
Óndirisi damyǵan qalada 2015 jylmen salystyrǵanda byltyr negizgi kapıtalǵa baǵyttalǵan ınvestıtsııa kólemi 6,9 mlrd teńgeden 5,8 mlrd teńgege kemigen. Bul baǵyttaǵy jumystardy jetildirý kerektigi aıtyldy. Jumyspen qamtý, densaýlyq saqtaý salalaryndaǵy jumystardy júıelep, jetildirý júkteldi. Qala tazalyǵyna basa mán berý, kópqabatty úılerdiń aýlalaryn, kireberisterin jáne ınfraqurylymyn retteý kezek kúttirmeıtin máseleler ekeni aıtyldy. Turalap qalǵan ken óndirý óndirisin qaıta jandandyrý múmkindigin qarastyryp, kenshilerdi jumyspen qamtý jáne kásipkerlikti damytý mindetteldi.
Oblys ákimi jıyn sońynda 2017 jylǵa Kentaý qalasynyń áleýmettik ekonomıkalyq jaǵdaıyn arttyrý maqsatynda respýblıka, oblys tarapynan 9 mlrd. teńgege jýyq qarjy bólingenin jetkizdi.
- Atalǵan qarjy el ıgiligine jarap, Kentaý qalasynyń damýyna serpin beredi dep senemin, - dedi Janseıit Qanseıituly.
Atalǵan qarjynyń 400 mln teńgesi qaladaǵy 5 qabatty 60 páterli 2 turǵyn úıdiń qurylysyna jumsalady. 103 mln teńgesi bilim berý salasyna qarastyrylǵan. Onyń 100 mln teńgesi Kentaý kópsalaly kolledjiniń 300 oryndyq jataqhana qurylysyn bastaýǵa bólindi. 541 mln teńge shahardyń tozyǵy jetken aýyz sý júıelerin qaıta qurý maqsatynda 2 nysannyń qurylysyna, 400 mln teńge Qarnaq eldi mekendegi sý qubyrlaryn tartýǵa baǵyttalady. 229 mln teńge «Bolashaq», «Batys», «Juldyz» shaǵynaýdandarynyń ınjenerlik ınfraqurylymynyń qurylysyn aıaqtaýǵa, 195 mln. teńge Beıneý-Bozaı gaz qubyrynan Kentaý qalasyn tabıǵı gaz jetkizý maqsatynda №14 avtomatty gaz retteýshi stansasynyń qurylysyn aıaqtaýǵa jumsalady. Sonymen qatar, eldi mekenderdi tabıǵı gazben qamtamasyz etý úshin 5 nysannyń jobalaý-smetalyq qujattamasyn ázirleýge 103 mln. teńge qarastyrylýda. Nátıjesinde, Kentaý qalasy men 7 eldi mekendegi 89 myń halyq tabıǵı gazben qamtamasyz etiletin bolady.