Kentaý qalasy Táýelsizdik merekesin joǵary deńgeıde atap ótti
Merekelik shara qaladaǵy Sh.Qaldaıaqov atyndaǵy mádenıet saraıynda ótti. Saltanatty jıynda alǵy sózdi alǵan QR Investıtsııa jáne damý mınıstrligi, Kólik komıteti tóraǵasynyń orynbasary Nurkenov Qaırıden Qamashuly Kentaý qalasy turǵyndaryn merekemen quttyqtady.
Qala ákimi Ábdibaqyt Maqulbaev "Osy egemendiktiń arqasynda birligi jarasqan, kópultty Kentaýda da kópten kúrdeli sanalyp kelgen túıtkilderdiń túıini sheshilip, armanǵa aınalǵan bastamalar júzege asa bastady. Munyń barlyǵynda jergilikti turǵyndardyń, ásirese, aǵa urpaqtyń óz qoldarymen turǵyzǵan qalasyn jan-tánimen súıetindigi, qıynshylyqtarǵa sabyrmen qarap, qaısarlyq tanytýy men eńbekqorlyǵynyń, yntymaǵynyń úlken medet bolǵanyn aıta ketý paryzym",- dep jergilikti turǵyndardy merekemen quttyqtap, qalanyń ósip órkendeýine úles qosqan birqatar azamattarǵa "Qala janashyry" degen tós belgilerin tabys etti.
Sonymen qatar ár salada qyzmet jasaıtyn mamandar qala ákiminiń alǵys hattarymen marapattaldy. Merekelik sharada ónerli jastardyń patrıottyq ánderi kórermenderge kóterińki kóńil kúı syılady. Merekelik sharada qonaqta bolǵan elimizge tanymal ánshi Qaırat Túntekov jerlesterin merekemen quttyqtap, ásem áýenin tartý etti.
