Kentaý qalasy ákiminiń orynbasary 3,5 mln teńge para alý kezinde ustaldy
ShYMKENT. QazAqparat - Ońtústik Qazaqstan oblysy, Kentaý qalasy ákiminiń orynbasary 3,5 mln teńge para alý kezinde ustaldy. Bul týraly Sybaılas jemqorlyqqa qarsy ulttyq bıýronyń oblystyq departamenti málim etti, dep habarlaıdy QazAqparat tilshisi.
Departamenttiń málimetinshe, 16 qazan 2017 jyly Berik Qystaýbaıuly Qnatov aýdarylǵan somanyń 15 paıyzyn para retinde alý kezinde ustalǵan. Ol qazir Túrkistan Qalalyq ІІB ýaqytsha ustaý abaqtysyna jabyldy.
Berik Qnatov, ákimdikte ekonomıka jáne turmystyq-kommýnaldyq sharýashylyq salasyn qadaǵalaǵan. Sondaı-aq ákimdikke qarasty kásiporyndardyń jumysyn baqylaǵan. Sheneýnik osyndaı jaýapty salalardy qadaǵalaı otyryp, qyzmettik ókilin teris paıdalanǵan dep kúdiktelip otyr. «2020 jylǵa deıin turǵyn úı-kommýnaldyq sharýashylyǵyn jańǵyrtý» baǵdarlamasy aıasynda kúrdeli jóndeý jumystaryn júrgizgen merdiger mekemelerden zańsyz úlesin alyp kelgen bolsa, 3,5 mln teńgeni ákimdikke baǵynyshty qurylys kompanııasynan alǵan.
