Kentaý qalasynyń aýmaǵy ulǵaıady

TÚRKІSTAN. KAZINFORM- Qalaǵa qarasty aýyl jerleri Kentaýǵa qosylady.

Kentaý qalasy aýyldarynyń jáne eldi mekenderiniń shekaralaryn ózgertý jáne belgileý týraly Kentaý qalasy ákiminiń qaýlysy men Kentaý qalalyq máslıhatynyń sheshimi Ashyq NQA portalynda jarııalandy.

Qujatta, Qarnaq aýylynyń ákimshilik shekarasynan Kentaý qalasynyń shekarasyna 2655,53 gektar jáne Baıyldyr aýylynyń shekarasyna 264,75 gektar jer ýchaskelerin qosý arqyly Qarnaq aýylynyń shekarasy ózgertilip, shekaralardyń jalpy kólemi 35 257,16 gektar bolyp belgilensin:

Hantaǵy aýylynyń shekarasynan Kentaý qalasynyń shekarasyna 22,67 gektar jáne Baıyldyr aýylynyń shekarasyna 728,45 gektar jer ýchaskelerin qosý arqyly Hantaǵy aýylynyń shekarasy ózgertilip, shekaralardyń jalpy shekarasyn 44 718,61 gektar bolyp belgilensin;

Qarnaq aýylynyń shekarasynan 264,75 gektar, Hantaǵy aýylynyń shekarasynan 728,45 gektar jer ýchaskelerin Baıyldyr aýylynyń shekarasyna qosý arqyly, Baıyldyr aýylynyń shekarasynan 522,27 gektar jer ýchaskesin Kentaý qalasynyń shekarasyna alý arqyly Baıyldyr aýylynyń shekarasy ózgertilip, shekaralardyń jalpy kólemi 24 819,43 gektar bolyp belgilensin delingen qujatta.

Qoǵamdyq talqylaýǵa usynylǵan qujat jobasy 25 aqpanǵa deıin talqylanady.

Aıta keteıik, buǵan deıin Kentaýdaǵy jol apatynan 6 adam qaıtys bolǵanyn jazǵan bolatynbyz.