Kenishter aýktsıonynan bıýdjetke 30 mlrd teńge túsken

ASTANA. KAZINFORM — Premer-mınıstr Oljas Bektenov bıyldan bastap geologııalyq barlaý jumystaryna bólinetin qarjy kólemi edáýir ulǵaıatynyn aıtty. 

— Úkimet resýrstyq bazany ulǵaıtý baǵytyna basymdyq berip otyr. Jer qoınaýyn geologııalyq barlaý kólemin arttyrý úshin bıyldan bastap qarjylandyrý kólemin edáýir ulǵaıtamyz.

Biz jer qoınaýyn paıdalaný quqyqtaryn berý boıynsha aýktsıondardan túsetin bonýstardyń qarajatyn geologııany damytýǵa baǵyttaý týraly sheshim qabyldadyq. Bıyl bul soma keminde 30 mlrd teńge bolyp otyr. Atalǵan qarjy kólemi áli de arta túsedi. Qazirgi ýaqytta tıisti esepteýler júrip jatyr, — dedi ol Úkimet otyrysynda.

Oljas Bektenovtiń paıymdaýynsha, metallýrgter men kenshilerdiń eńbek qaýipsizdigin kúsheıtý baǵytynda aýqymdy jumystar istelip jatyr.

— Ónerkásip, Ekologııa, Tótenshe jaǵdaılar mınıstrlikteri iri taý-ken metallýrgııa kásiporyndarymen birlesip, qoldanystaǵy óndiristerdi jańǵyrtýdy, jańa tehnologııalardy engizýdi jáne eńbek qaýipsizdigi deńgeıin arttyrýdy qamtamasyz etýi qajet, — dedi Premer-mınıstr.

Elimizde kúmis, kómir jáne sırek kezdesetin metaldardyń 50 ken orny boıynsha elektrondyq aýktsıon uıymdastyrylady.

Buǵan deıin elimizde kúmis, kómir jáne sırek kezdesetin metaldardyń 50 ken orny boıynsha elektrondyq aýktsıon uıymdastyrylatynyn jazǵan edik.