Kenshiler opat bolǵan «Kazahstanskaıa» shahtasyndaǵy jumys qalpyna keltirildi
ASTANA. 22 sáýir. QazAqparat - Qaraǵandy oblysyndaǵy apat bolyp, kenshiler qaza tapqan «Kazahstanskaıa» shahtasyndaǵy jumys qalpyna keltirildi, dep habarlaıdy TJM baspasóz qyzmeti.
Keshe, 21 sáýir kúni 14.00-de «ArselorMıtall Temırtaý» AQ kómir departamentiniń «Kazahstanskaıa» shahtasyndaǵy jumys qaıta qalpyna keltirildi.
Qutqarýshylardyń málimetterine qaraǵanda, №312 D-6 «Zapad» shtreginde gazdan tazartý jumystary júrgizilgen, qulaǵan taý jynystary shyǵarylǵan. Apat saldaryn joıýǵa QR TJM «Kómir» jáne Qaraǵandy oblysynyń TJD órt sóndirý qyzmetiniń adamdary men tehnıkalary jumyldyrylǵan.
Eske sala ketsek, 20 sáýirde saǵat 17.10-da «Kazahstanskaıa» shahtasynda taý jynystary opyrylyp qulaǵan bolatyn. Osynda jumys istep jatqan 4 adamnyń úsheýi joǵaryǵa shyǵaryldy. Al saǵat 09. 55-te qutqarýshylar ken tastary basyp qalǵan mashınıst, 1962 jyly týǵan S. A.. Sýhınniń máıitin alyp shyqty.
