Kenshiler men metallýrgter Májiliste kezekten tys saılaý ótkizý sheshimin qoldaıdy

ASTANA. QazAqparat - Kenshiler men metallýrgter Májilis pen máslıhattarǵa kezekten tys saılaý ótkizý týraly sheshimdi qoldaıdy. Bul týraly búgin Ortalyq kommýnıkatsııalyq qyzmetindegi baspasóz máslıhatynda «Qazprofmetall» ken-metallýrgııa salalyq kásipodaǵy» qoǵamdyq birlestiginiń tóraǵasy Asylbek Nuralın málim etti.

«Biz Qazaqstannyń kenshileri men metallýrgteri, taý-ken mettallýrgııalyq salanyń jumysshylary retinde Elbasynyń besinshi shaqyrylǵan QR Parlamentiniń Májilisin taratý jáne QR Parlamenti Májilisi depýtattarynyń kezekten tys saılaýyn taǵaıyndaý týraly sheshimin tolyqtaı qoldaımyz. Birinshi kezekte, jańa Parlament elimizdiń ındýstrıaldy damýy, Qazaqstan ekonomıkasyna ınvestıtsııa tartýǵa qatysty zańdardy qabyldaýy kerek»,-dep oıyn bildirdi ol.

Asylbek Nuralınniń sózine qaraǵanda, aldaǵy kóktemdegi saılaý saıası partııalar úshin ózderiniń múmkindikterin kórsetýge jaqsy múmkindik bolyp tabylady.

Sonymen qatar ol Parlament Májilisine jańa partııalar kelýi múmkin ekenin sóz etti.