Kenshiler kúni: Qaraǵandy oblysynyń birneshe qalasynda merekelik sharalar ótti
Bıyl kenshiler kúni 75-shi ret atalyp ótti. Mereıtoılyq sharalar birneshe qalada keńinen uıymdastyryldy. Merekelik marafon eki kúnge sozyldy. Oblys ortalyǵynda jáne kenshiler qalalary men kentterinde halyqtyq serýender men kontsertter ótti.
Abaı, Shahtınsk jáne Saran qalalaryna Qaraǵandy oblysynyń ákimi Jeńis Qasymbek pen qalaqurýshy iri kásiporyndardyń basshylary bardy. Olar kómir ónerkásibiniń jumysshylary men ardagerlerin quttyqtady.
Árbir kenshiler qalasynda júzdegen eńbek áýletteri turady. Olardyń barlyǵyna oblys basshysy quttyqtaý sózderin aıtty.
«Kenshiler kúni – bizdiń ólkemizdiń tarıhy men dástúrlerin sińirgen súıikti jáne erekshe mereke. Óz ómirin osy batyl mamandyqqa arnaǵandardyń barlyǵyna zor alǵysymdy bildirgim keledi. Árqaısyńyzdyń ómirińiz eńbekqorlyqtyń, tabandylyq pen adaldyqtyń úlgisi bola alady. Sizderdiń áleýmettik-ekonomıkalyq damýymyzǵa qosqan úlesterińiz baǵa jetpes. Biz sizderdi maqtan tutamyz! Barlyq kenshilerge densaýlyq, órkendeý jáne amandyq tileımin! Úılerińizde jylýlyq pen jaılylyq bolsyn!» - dedi Jeńis Qasymbek.
Bul kúni qaza tapqan kenshiler de umyt qalǵan joq. Abaıda 2021 jyldyń qarasha aıynda «Abaı» shahtasynda bolǵan qaıǵyly oqıǵany eske alýǵa arnalǵan memorıalǵa gúl shoqtary qoıyldy.
Merekelik sharalar barysynda tátti-dámdiler de boldy. Abaıda jergilikti ónimder jármeńkesi uıymdastyryldy.
Teatrlandyrylǵan qoıylymnyń jas qatysýshylary merekeniń tarıhyn jáne úshinshi ot jaǵatyn mashınany kórermen nazaryna usyndy.
Kenshilerdi kásibı merekelerimen quttyqtaýǵa qazaqstandyq estrada juldyzdary da keldi. Al, otshashýlar tek qalalarda ǵana emes, Shahan kentinde de boldy.
Aıta ketsek, búginde Qaraǵandy oblysynda kómir óndirisi salasynda 90 myńǵa jýyq adam eńbek etedi.
