«Keńsesi bar» jigit elordalyqtardy erekshe stsenarıımen aldap kelgen
NUR-SULTAN. QazAqparat – Elordada ózin iri bıznesmen retinde kórsetip, qymbat uıaly telefon satýshylaryn aldap kelgen 28 jastaǵy kúdikti ustaldy, dep habarlaıdy QazAqparat tilshisi.
«Ol ınternet-saıttarda uıaly telefondardyń eń jańa úlgisin satatyndardy kózdegen. Kúdikti ózin qaltaly satyp alýshy retinde kórsetip, kezdesýdi keńsesinde ótkizý týraly kelisip otyrǵan. Al keńselerdi ınternettegi jarnamalar arqyly tapqan. Ony jalǵa alatyn bolyp, keńse mekenjaıyna kelgen. Sol ýaqytqa uıaly telefon satýshysyn da kezdesýge shaqyrǵan. Keńsede alaıaq jábirlenýshilerdiń senimine kirip, óziniń sátti bıznesi týraly ertegige sendirip, uıaly telefon satyp alýǵa daıyn ekenin aıtqan», - dep habarlaıdy qalalyq Polıtsııa departamentinen.
Satýshy álginiń qolyna uıaly telefonyn bergennen keıin, er adam aqshany alyp kelý úshin kabınetine ketken bolyp, izin sýytyp otyrǵan. Esh kúdiktenbegen satýshy sol kúıi keńsede kútip qala beredi. Aldanǵanyn keıin ǵana túsingen.
Qazirgi ýaqytta jas jigit ustalyp, ýaqytsha oqshaýlaǵyshqa qamalǵan. Alaıaqtyq faktisi boıynsha, sotqa deıingi tergeý amaldary bastaldy. Onyń dál osyndaı 15 jaǵdaıǵa qatysynyń bar-joǵy anyqtalýda. Aldanǵan azamattardyń sany odan da kóp bolýy ábden múmkin.
Polıtsııa mundaı alaıaqtyqtyń qurbany bolǵan azamattardy71-62-91, 71-63-35, 8-747-620-57-93, 8-702-482-22-78 nemese 102 nómirine habarlasýdy suraıdy.
