Keńsege baryp jumys jasaıtyn qazaqstandyqtar sany 25 paıyzǵa qysqarǵan
«Eńbek resýrstaryn damytý ortalyǵy» AQ (ERDO) mamandary Google derekterine súıene otyryp tujyrymdaǵandaı, 2020 jylǵy 28 qyrkúıek pen 4 qazan aralyǵyndaǵy bir aptada qazaqstandyqtardyń jumys ornynda bolýy, ıaǵnı 2020 jyldyń basyndaǵy kórsetkishke qaraǵanda 74-75 paıyzdy qurady.
«Adamdardyń júrip-turýyna jasalǵan taldaý barysy, tutastaı qaraǵanda karantındik shekteýlerdi engizý jáne alyp tastaý merzimine sáıkes keledi. Máselen, jumys oryndaryna barýdyń aıtarlyqtaı báseńdeýi 16 naýryzda bastalyp, baqylaý mánderi turǵysynda 14% tómen boldy, al naýryzdyń aıaǵy men sáýirdiń basyndaǵy jappaı karantınniń basynda jumys oryndaryna kelý ádettegi kórsetkishten 46-dan 55 paıyzǵa deıin aýytqydy», - dedi ERDO boljaý departamentiniń dırektory Dmıtrıı Shýmekov.
Qańtardaǵy kórsetkishterge maýsymnyń basyndaǵy belgili bir aralyq ýaqyt jaqyn boldy (jumysqa barý - 78-80%). Sodan keıin jumys oryndaryna barý qaıtadan shildeniń ortasyndaǵy 60-63%-ǵa deıin tómendeýin jalǵastyrdy. Odan soń birqalypty ósim qazirgi 74-75%-ǵa deıin kóterildi.
«Biz atalǵan qazaqstandyqtardyń 25-26 paıyzy jumyssyz qaldy demeımiz. Kerisinshe, olardyń basym bóligi qashyqtan jumys isteýge aýysty dep sanaımyz», - dep naqtylady taldaýshy.
Google málimetin zerdeler bolsaq, olardyń derekter shoǵyry COVID-19-pen kúresýdiń jańa shekteýlerine jáne basqa sharalarǵa baılanysty adamdardyń minez-qulqynyń qalaı ózgergenin kórsetedi. Esepterde adamdardyń úılerinen qanshalyqty jıi nemese sırek shyǵatyndyǵy jáne saýda oryndary, oıyn-saýyq ortalyqtary, azyq-túlik dúkenderi, dárihanalar, saıabaqtar, vokzaldar jáne taǵy basqa jerlerge baratyny kórinis tapqan.
Bıyldyń 3 qańtarynan 6 aqpanyna deıingi jáne 28 qyrkúıek pen 4 qazan aralyǵyndaǵy baqylaý kezeńderin salystyrar bolsaq, meıramhanalar, dámhanalar men saýda ortalyqtaryna barýdyń 14-17 paıyzǵa, al saıabaqtarǵa barýdyń 5-7 paıyzǵa tómendegeni anyqtalady. Azyq-túlik dúkenderi men dárihanalarǵa barý, sondaı-aq halyqtyń turǵyn aýdandardaǵy qozǵalysy is júzinde ózgergen joq.
