Keńsedegi aýa sapasy qyzmetkerlerdiń jumysyna qalaı áser etedi?
ASTANA. QazAqparat - Garvardtyń ǵylymı qyzmetkerler toby keńsedegi aýanyń sapasy qyzmetkerlerge qalaı áser etetinin zerttedi. Eksperıment qorytyndylaryna súıensek, kómirqyshqyl gazdyń deńgeıi tómen, jeldetiletin bólmede jumys istegen adamdardyń oılaý, este saqtaý, oqý jáne túsiný qabiletteri jaqsarady.
Biregeı eskperımentke 24 erikti adam qatysty, olardyń barlyǵy túrli jaǵdaıda jumys istegen. Zertteý 7 kúnge jalǵasty. Mamandar eriktilerdiń jumys jaǵdaıyn, sondaı-aq olardyń durys sheshimderdi qabyldaý qasıetin baǵalady.
Zertteý barysynda eger keńsede aýanyń lastaný deńgeıi tómen bolsa, onyń qyzmetkerleri jaqsy jumys istep, berilgen testilerden 61 paıyzǵa tabysty ótetini anyqtalǵan. Al eger jumys bólmesinde kómirqyshqyl gazdyń deńgeıi de tómendetilse, kórsetkishter 101 paıyzǵa deıin ósken.
Taıaýda jasalǵan zertteý keńsedegi ósimdikterdiń adamdardyń ózderin jaqsy sezinýi men eńbek ónimdiligine áser etetinin kórsetti.
