Keńsede kesh batqansha otyratyn qyzmetkerler semizdikke dýshar bolady
ASTANA. QazAqparat - Ǵalymdar eskertedi: eńbek ýaqyty qalypsyz keńse qyzmetkerleri jyldar óte kele semizdikke shaldyǵýy bek múmkin, dep jazady The Times of India.
Shyntýaıtyna kelgende, keńsedegi qyzmetkerler negizinen densaýlyqqa zııandy fast-fýdtardy jıi jep turatyn kórinedi. Sonyń kesirinen keńseden shyqpaı qoıatyn eńbekqor qyzmetkerlerdiń 4/1-i tamaqtaný rejımin buzady.
Fruyo kompanııasynyń júrgizgen saýalnama kórsetkenindeı, adamdardyń 37 paıyzy jumysta toqash jeıdi, 32 paıyzy shokoladtan aýyz tıgizgendi unatsa, 30 paıyzy chıpsyǵa kelgende bas tarta almaı qalady.
Adamdardyń basym bóligi zııany kóp taǵamdardy kompıýterdiń aldynda otyryp, kóp jeıtindikterin moıyndaǵan. Bir qyzyǵy, negizinen tiskebasardy qarny ashqannan emes, ish pysqannan jep otyratyndyqtary da anyqtalyp otyr.
Saýalnamaǵa qatysqandardyń 41 paıyzy jumystyń azdyǵynan tamaqty kóp jeýge týra keledi dese, 30 paıyzdan astamy densaýlyqqa zııandy taǵamdarǵa qumartqandyqtan solaı isteıtinderin kórsetken. Buǵan taǵy stresti de qosyńyz. Óıtkeni adamdardyń 20 paıyzy zııandy tiskebasarlardy qatty ashýlanǵan sátte jeıtindikterin aıtyp otyr.
