Keńse qyzmetkerleriniń jartysynan kóbi mindetti túrde semizdikke shaldyǵady
ASTANA. 27 maýsym. QazAqparat - Elena Morozovanyń artyq salmaqtan aryltý klınıkasy Reseıdegi iri mekemelerdiń 500-den asa qyzmetkerleriniń kún tártibi men ratsıonyn zerttegen. Nátıjesinde, 55 paıyzǵa jýyq adam qyzmet barysynda 3-10 kılogrammǵa deıin salmaq qosqany anyqtalǵan, dep habarlaıdy «Vedomostı».
Barlyǵy tyǵyz kún tártibi men durys tamaqtanýǵa ýaqyttyń jetispeýshiliginen. Keńse qyzmetkerleriniń 80 paıyzy túski as kezinde densaýlyqqa zııandy azyqtarmen tamaqtanady. Evolıýtsııalyq mehanızmderge sáıkes adam asa maıly jáne joǵary kalorııaly tamaqtardy qıyn jaǵdaılarda qajet etedi. Al eger jumys tym kóp bolyp jatsa, qyzmetkerler túski asqa shyqpaı-aq fasfýdqa tapsyrys bere salady.
Facebook qyzmetkerlerinen surastyrý barysynda olardy fırmanyń tegin tamaqtandyratyndyǵy abyrjytatyn kórinedi. Olardy kúnine úsh ret tamaqtandyrady eken, sonymen qatar tamaqty kez kelgen ýaqytta jeýge bolady. Bul tamaqty toıyp jeýge alyp keledi. Jáne qyzmetkerler keńsede kúnde tapjylmastan otyryp jumys jasaıdy. Bulardyń barlyǵy semizdikke alyp keledi.
