Keńse qyzmetkerleri jattyǵý jasaıtyn jańa chellendj bastaldy
ASTANA. QazAqparat - QR Densaýlyq saqtaý mınıstrligi men Qoǵamdyq densaýlyq saqtaý ulttyq ortalyǵy jumysqa qabileti tómendegende dene shynyqtyrý úzilisin ótkizýdi usyndy, dep habarlaıdy QazAqparat.
Ortalyq ujymdyq jattyǵý jasaý arqyly jumys orny men jınalystarda qozǵalysty arttyrýǵa bolatynyn jetkizdi.
Eske sala ketsek, QR Densaýlyq saqtaý mınıstrliginiń keńeıtilgen alqa májilisinde qatysýshylar salaýatty úzilisti kórsetken bolatyn.
«Jumysta qozǵalyssyz otyrý birqatar sozylmaly ınfektsııalyq emes aýrýlardyń (SIEA), onyń ishinde ateroskleroz, júrektiń ıshemııalyq aýrýy, arterııalyq gıpertonııa, semizdik qaýpine ákep soǵady. Jumys ornynda úzilis jasaý óte mańyzdy, jattyǵýǵa shamamen 5 mınýt ýaqyt bólý kerek», - delingen habarlamada.
Osyǵan baılanysty, Qoǵamlyq densaýlyq saqtaý ulttyq ortalyǵy #Salaýattyúzilis #Zdorovyıpereryv #Healthybreak chellendjin bastaıdy jáne barsha halyqty naýqanǵa qatysýǵa shaqyrady.
Dene shynyqtyrý úzilisin jumys bastalǵan soń 2 - 2,5 saǵattan keıin, jumys sońynan 1 - 1,5 saǵat buryn jáne sharshaı bastaǵanda, jumysqa qabilettiliktiń tómendeýiniń alǵashqy belgileri paıda bolǵanda júrgizý usynylyp otyr.
Ortalyqtyń habarlaýynsha, turaqty fızıkalyq jattyǵýlar sharshaýdyń, aqyl-oı qajýynyń tómendeýine múmkindik beredi, bulshyq et tonýsyn, jumys qabiletin (qabyldaý, este saqtaý, zeıin qoıý, oılaý) arttyrýǵa, fızıkalyq jáne psıhıkalyq saýlyqty saqtaýǵa oń áser etedi.
