Kennedıdiń soǵystan keıingi kúndeligi 718 myń dollarǵa satyldy
ASTANA. QazAqparat - Amerıkanyń RR Auction aýktsıonynda AQSh-tyń 35-shi prezıdenti Djon Kennedıdiń soǵystan keıingi Eýropaǵa barǵan sapary jaıly kúndeligi 718 myń dollarǵa satyldy, dep habarlaıdy Assoshıeıted Press agenttigi.
61 bettik qujattyń endigi ıesi Kennedıge baılanysty zattarǵa áýes kollektsıoner Djozef Olsop (Joseph Alsop) boldy. 1960-jyldary 16 jasar Olsop aǵasynyń úıinde Kennedımen kezdesken.
"Meniń oıymsha, bul Kennedıdiń tulǵa retinde qalyptasýyna arnalǵan tamasha dúnıe. Ol óte jas kezde álemdik oqıǵalardy uǵynýdyń joǵary deńgeıin kórsetedi», - dedi Olsop.
