Kenııalyqtar 2014 jyldyń úzdik marafonshylary atandy
ASTANA. QazAqparat - Marafondar men júgirý jarystarynyń halyqaralyq qaýymdastyǵy (AIMS) 2014 jyldyń úzdik sportshylaryn atady.
Olar kenııalyq Dennıs Kımetto men Florens Kıplagat boldy, dep habarlandy uıym saıtynda. Kımetto qyrkúıek aıynda Berlınde 2:02.57 ýaqytta júgirip, álemdik rekord jasady. Al Kıplagat aqpanda Barselonada jartylaı marafonda kórsetken 1:05.12 ýaqytymen jańa rekord ornatty.
AIMS-tiń «jasyl» júldesin Frankfýrt marafony, áleýmettik júldesin - Tokıodaǵy marafon ıelendi, al Nıý-Iork marafonynyń negizin qalaýshylardyń biri Djordj Hırsh marafondyq qozǵalysty damytýǵa qosqan úlesi úshin marapattaldy.
