Kenııalyq balanyń ashqan jańalyǵy ekologtardy tańqaldyrdy
ASTANA. 1 naýryz. QazAqparat - Kenııalyq 13 jasar bala Rıchard Týrere ózi oılap tapqan arnaıy júıe arqyly sıyrlar tabynyn arystandardan qorǵap qaldy.
Rıchard Naırobı ulttyq baǵymen shektesetin eldi mekende turady. Ol ata-anasyna mal baǵýǵa kómektesip kelgen. Jetkinshek birneshe ret arystandardyń olardy qan-josa etip, jep ketkendigin kórdi.
Bundaı shabýyldar, ásirese túngi ýaqytta oryn alyp otyrǵan.
Ol 9 jasynda-aq túngi mezgilde tabynnyń janynda kishkene shammen qaraýyldap júrgeninde, jyrqyshtardyń jaqyndamaıtyndyǵyn baıqaǵan, dep habarlady Infuture.
Rıchard oılap tapqan ádis tıimdiligin kórsetti. Ol kún batareıasynan kýat alatyn neon shamyn kólik akkýmýlıatoryna qosyp, ilip qoıǵan.
Qarańǵy túsken kezde túrli-tústi jaryq tabynnyń janynda bireý júrgen sekildi áser qaldyryp otyrǵan. Sonyń arqasynda keıingi eki jylda birde-bir arystan qarasyn da kórsetpegen.
Jetkinshektiń oılap taqan ádisi turǵyndardyń arasyna keńinen tarady, ol týraly ekologtar da qulaǵdar boldy. Aıta keteıik, buryndary taıpalar tabyndy qorǵaý úshin arystandarǵa ýlanǵan ettiń bólshekterin tastap, óltirip otyrǵan. Bul jyrqysh ańdardyń kúrt kemýine soqtyrdy. Endigi de bul qadamǵa barýdy qajeti bolmaı otyr.
