Kenııadaǵy jol apatynyń saldarynan 35 adam mert bolyp, 50-den astamy zardap shekti
ASTANA. 28 aqpan. QazAqparat - Kenııanyń soltústik shyǵysynda jolaýshylar avtobýsy apatqa ushyrady.
Sonyń saldarynan 35 adam kóz jumyp, 50-den astamy zardap shekti. Aldyn ala boljam boıynsha, júrgizýshi rýlge ıe bola almaı qalǵan. Tekserý amaldary júrgizilýde.
Avtobýstyń ishinde negizinen jergilikti joǵary oqý oryndarynyń biriniń stýdentteri bolǵan. Olar 4 naýryz kúni respýblıka prezıdentiniń saılaýyna qatysý úshin týǵan qalalaryna bara jatqan.
