Kenııadaǵy sherý: Saılaý komıssııasynyń 4 múshesi ashyqtyq bolmaǵanyn aıtqan
NUR-SULTAN. QazAqparat – Kenııadaǵy prezıdenttik saılaýdyń nátıjesi janjalǵa, tóbeles pen narazylyqqa ulasty, dep habarlaıdy QazAqparat Euronews-ke silteme jasap.
Táýelsiz saılaý komıssııasynyń málimetinshe, birinshi týrda vıtse-prezıdent Ýılıam Rýto jeńimpaz atandy. Ol 50,49% daýys jınap, óziniń basty básekelesi, burynǵy premer-mınıstr Raıl Odıngadan 2%-ǵa alǵa shyqty.
Jeńimpazdy jarııalaýdyń aldynda saılaý komıssııasynyń jeti múshesiniń tórteýi ashyqtyq bolǵan joq dep, qorytyndy hattamaǵa qol qoıýdan bas tartty.
Kenııalyq BAQ-tyń habarlaýynsha, bir kún buryn eldiń keıbir aımaqtarynda tártipsizdik oryn alǵan. Al el astanasy Naırobıde jaǵdaı tynysh bolǵan.
Buǵan deıin narazylyq oshaǵy Kenııadaǵy úshin úlken qalanyń biri sanalatyn Kısýmý men Naırobıdegi birqatar kedeı aýdandarda bolǵany habarlanǵan.
Narazylyq bildirýshiler - jeńilgen Raıla Odınganyń jaqtastary. Olar saılaý nátıjesiniń burmalanǵanyn alǵa tartady. Burynǵy premer-mınıstrdiń ózi únsiz. Onyń shtabynda resmı nátıjege qarsy shyǵý úshin 7 kún ýaqyt bar.
