Kenııadaǵy alapat kóshkin: 36 adam qurban boldy
NUR-SULTAN. QazAqparat -Kenııada alapat kóshkin saldarynan kem degende 36 adam qaza tapty, olardyń ishindegi jeteýi bala, dep habarlaıdy Sky News.
«Kenııada tolasyz jaýǵan jańbyrdan keıingi kóshkin kem degende 36 adamnyń ómirin qıyp ketti», -delingen basylymnyń habarlamasynda. Sondaı-aq ózender arnasynan asyp, birneshe kópir qıraǵan.
Ortalyq Pokot okrýgindegi Takmal eldi mekeninde birneshe turǵyn kóshkinniń qurbanyna aınaldy. Olardyń 11-i bir úıde bolǵan.
Іshki ister mınıstri Freda Matıangıdiń aıtýynsha, Pokottyń ońtústigindegi Parýa men Tapach eldi mekenderinde bes bala mert bolǵan.
Basylymnyń atap ótýinshe, Ýgandamen shekaralas Batys Pokot okrýgi jumada bolǵan asa kúshti sý tasqynynan zardap shekken. Tórt kópirdi aǵyn sý aǵyzyp alyp ketken. Eń qatty qıraǵan Mýıno aýylyna jetý múmkin bolmaı otyr.
