Kenııadaǵy sý tasqynynan qaza tapqandar sany 289-ǵa jetti
NAIROBI. KAZINFORM – Kenııada birneshe apta boıy jaýǵan nóser jańbyrdan qaza tapqandar sany 289-ǵa jetti, sońǵy 24 saǵatta 12 adam qaza tapty. Bul týraly el bıligi seısenbi kúni habarlady, dep jazady Sınhýa.
Kenııa Ulttyq úkimetiniń ishki ister jáne úılestirý mınıstrliginiń málimetinshe, nóser saldarynan bolǵan joıqyn sý tasqyny men kóshkinniń saldarynan 285,6 myń adam úılerin tastap ketýge májbúr boldy, taǵy 412 336 adam aýa raıynyń qolaısyzdyǵynan zardap shekti.
«Sý tasqynynan eń kóp zardap shekken sektorlar kólik, turǵyn úı, bilim berý, densaýlyq saqtaý jáne aýyl sharýashylyǵy boldy», – delingen bılik ókilderiniń Kenııanyń astanasy Naırobıde jasaǵan málimdemesinde.
Qazir bılik organdary buzylǵan joldardyń jaǵdaıyn baǵalaýda jáne magıstraldardyń mańyzdy ýchaskelerin qalpyna keltirý jáne qaýipsiz qozǵalysty qamtamasyz etý úshin resýrstardy jumyldyrýda.
Atap ótilgendeı, sý tasqynynan bolǵan úlken shyǵyn saldarynan keıbir mektepterdiń jumysy toqtap tur.
Aıta keteıik, buǵan deıin Kenııada sý tasqynynan qaza tapqandar sany 154 adamǵa jetkeni týraly jazǵan edik.
