Kenııada sý tasqynynan qaza tapqandar sany 154 adamǵa jetti
Kenııada nóser jaýyn men sý tasqynynan qaza tapqandar sany 154 adamǵa jetti. Kazinform agenttigi bul týraly Sınhýa aqparat agenttigine silteme jasap habarlaıdy.
Kenııa úkimetiniń resmı ókili Isaak Mvaýranyń dúısenbi kúni keshke Kenııa astanasy Naırobıde jasaǵan málimdemesine sáıkes, Shyǵys Afrıka eliniń birneshe bóliginde jaýǵan El-Nıno jańbyrynan týyndaǵan joıqyn sý tasqyny saldarynan birneshe jol shaıylyp ketti.
«Zardap shekken aýdandarda joldardaǵy jóndeý jumystary jaýyn-shashyn kólemi, sý deńgeıi jáne kólik qozǵalysy jaǵdaıyna baılanysty júrgizilip jatyr», - dep qosty ol.
I.Mvaýra sondaı-aq osy aptadan bastap 11 jeltoqsanǵa deıin búkil elde nóser jaýyn jaýyp, kún kúrkireıtinin habarlady.
Ol toqtaýsyz sý tasqyny tyrysqaq jáne sý arqyly taralatyn basqa da aýrýlardyń taralýyna ákelip soqtyrǵanyn atap ótti.
Densaýlyq saqtaý organdary Kenııa jaǵalaýyndaǵy Lamý okrýginde tyrysqaq aýrýyna shaldyǵýdyń 103 jaǵdaıyn rastady, onyń saldarynan eki adam qaıtys boldy.