Kenııada jýrnalıster mingen tikushaq kólge qulady
ASTANA. QazAqparat- Kenııanyń ortalyq bóligindegi Nakýrý kóline bortynda komanda múshelerin qosqanda bes adam bar tikushaq qulady.
Bul týraly senbi, 21 qazanda Daily Nation habarlady.
Quqyq qorǵaý organdarynyń ókili Djoshýa Omýkata bul oqıǵany rastady. Aldyn ala derekterge qaraǵanda, ondaǵy jolaýshylar - sharaǵa bara jatqan jýrnalıster.
Basylymnyń atap ótýinshe, tikushaq Nakýrý ulttyq parkinde ornalasqan Jarika County Lodge qonaqúınen ushyp shyqqan. Qular aldynda ol tómendeı ushqan kórinedi.
Oqıǵa ornyna taǵy bir tikushaq attandyryldy. Qazirgi ýaqytta qutqarý operatsııalary júrip jatyr.
