Kenııada júk kóligi 8 avtokólikke soqtyǵysyp, 50-ge jýyq adam mert boldy
NAIROBI. QazAqparat – Kenııadaǵy adam kóp júretin qıylysta bolǵan jol-kólik apaty saldarynan 48 adam qaza tapty, dep habarlaıdy QazAqparat BBC News-ke silteme jasap.
Júk kóliginiń júrgizýshisi batystaǵy Kerıcho qalasyna jaqyn mańdaǵy Londıanı qıylysynda avtokóligin ıgere almaı qalǵan, dep jazdy jergilikti BAQ.
Jergilikti polıtsııadaǵy derekkózdiń sózinshe, 30 adam aýyr jaraqat alǵan, olardyń sany kóp bolýy da múmkin.
Bir nemese eki adam áli de aýdarylǵan avtokóliktiń astynda qalǵan bolýy múmkin.
AFP aqparat agenttiginiń deregi boıynsha, Kerıchoǵa bara jatqan júk kóligin júrgizýshi kólikti basqara almaı segiz avtokólikke, birneshe mototsıklge, joldyń jıeginde turǵan adamdarǵa, saýdagerlerge jáne t.b. soqtyǵysqan.
Kýágerlerdiń kenııalyq BAQ-qa aıtýynsha, júrgizýshi jolda buzylyp turǵan avtobýsty aınalyp ótýge tyrysqan.
«Biz júrgizýshilerdi jolda abaı bolýǵa shaqyramyz, ásirese qazirgi nóser jaýyn kezinde muqııat bolǵandaryńyz abzal», - dedi Kenııa prezıdenti Ýılıam Rýto.
Internette taraǵan sýrette qyzyl júk konteıneri joldyń jıeginde aýdarylyp jatqany kórinip tur.
Jergilikti BAQ aıtýynsha, jańbyr qutqarý jumystaryna kedergi keltirip jatyr. Aýa raıynyń apatqa áseri bolǵan-bolmaǵany belgisiz.
Shyǵys Afrıkada jol-kólik oqıǵasy – keń tanylǵan másele. Sebebi iri qalalardan basqa jerlerde joldar, ádette, tar bolady.
Byltyr Dúnıejúzilik densaýlyq saqtaý uıymy óziniń veb-saıtynda kontınentte jol-kólik apatynan qaza tapqandar sany álem boıynsha joǵary ekenin málimdedi.
Byltyr Kenııanyń ortalyǵynda avtobýs kópirden Nıtı ózenine qulap, 34 adam qaza tapqan bolatyn.
