Kenııada Venesýela elshisi qylqyndyrylyp óltirildi
ASTANA. 28 shilde. QazAqparat - Kenııadaǵy Venesýela dıplomatııalyq mıssııasynyń basshysy Olga Fonseka el astanasy Naırobıdegi óz úıinde býyndyrylyp óltirildi.
Bul týraly Reuters agenttigi habarlady.
Áıeldiń denesi Rýndanyń beldi aýdanynda ornalasqan ǵımarattan tabyldy. Ol óziniń tóseginde qylqyndyrylyp óltirilgen. Bul týraly jýrnalısterge polıtsııa basshysy Naırobı Entonı Kıbýchı málim etti, dep jazady RBK.
Qylmysker dabyl bergish dýaldarmen qorshalǵan ǵımaratqa qalaı engendigi ázirshe belgisiz.
Belgilisi, O.Fonseka Kenııaǵa taıaýda, 15 shilde kúni keldi. Qyzmetine taǵaıyndalysymen ol jergilikti BAQ-qa jańa elshiniń áreketterine shaǵymdanyp, barlyq qyzmet etýshilerdi jumystarynan shyǵardy.
Aıta keteıik, jergilikti turǵyndardan quralǵan elshiliktiń áıel qyzmetshileri buǵan deıin, burynǵy elshi Herarto da Sılva olardy jynystyq qatynasqa kóndirmekke árekettengendigine shaǵymdanǵan bolatyn. O.Fonseka áıelderge dıplomatty balaǵattaǵandyqtaryn aıtqyzýǵa talpyndy, olar buny aıtýdan bas tartqannan keıin jumystarynan qýyldy.
Venesýela elshiliginiń ókilderi túsinikteme berýden ázirshe bas tartyp otyr.
