Kenııada sý tasqyny 164 adamnyń ómirin qıdy
NAIROBI. QazAqparat – Kenııada nóser jańbyr úlken sý tasqynyna alyp keldi. Saldarynan eldiń barlyq aımaǵynda úıler men ınfraqurylym nysandary kóptep qırady. Bul týraly QazAqparat the-star.co.ke saıtyna silteme jasap habarlaıdy.
Kóptegen otbasy sý tasqynynan zardap shekti. Olar óz úılerin tastap, qaýipsiz jerge kóshken.
«Dúısenbi kúni uzaqqa sozylǵan jańbyrdan bolǵan sý tasqyny 164 adamnyń ómirin qıdy. Býdalang okrýgine kelgen shyǵyndy baǵalaý úshin sheneýnikter keldi. Býdalang – Kenııadaǵy eń kóp sý basqan aýdandardyń biri. Munda Nzoııa ózeni arnasynan asyp, júzdegen úıdi sý aldy, jergilikti turǵyndar baspanasyz qaldy. Býdalang okrýginde úıin sý shaıǵan kóptegen otbasy jaqyn mańdaǵy mektepterdiń ǵımarattaryna qonystanýǵa májbúr boldy», - delingen aqparatta.
Málim etilgendeı, sáýir aıynda el úkimeti tasqynnan zardap shekken aýdandardyń turǵyndaryna aldaǵy ýaqytta jańbyr men sý tasqyny bolýy múmkin ekeni týraly eskertý jasap, adamdarǵa qaýipsiz jerge ýaqytsha kóshýdi usynǵan.
Nóser jaýyn áli kúnge deıin eldiń kóptegen aýdandarynda jalǵasýda. Onyń ishinde Rıft-Vallı, Nıanzý, Batys, Jaǵalaý, Ortalyq, Soltústik-shyǵys, Shyǵys oblystary sondaı-aq Naırobı bar.
