Kenııada segizinshi adam Ebola vırýsyn juqtyrǵany anyqtaldy
ASTANA. KAZINFORM — Kongo Demokratııalyq Respýblıkasynda Ebola indeti órshigen tusta Kenııada segizinshi adam vırýs juqtyrǵany rastaldy, dep habarlaıdy Kazinform Reuters agenttigine silteme jasap.
Bul týraly jeksenbi kúni densaýlyq saqtaý bas dırektory Patrık Amot habarlady.
— Búgin 38 adam tekserildi, olardyń birinde Ebola vırýsy anyqtaldy, — dedi Amot Kenııanyń Citizen TV arnasyna bergen suhbatynda.
Onyń aıtýynsha, naýqas 49 jasta jáne medıtsına qyzmetkeri emes. Onyń dene qyzýy kóterilip, basy, bulshyqetteri aýyrǵan.
Amottyń aıtýynsha, naýqastyń ózi patsıentterdi kútýshi bolyp jumys istegen, ydys-aıaq pen tósek jaımalaryn jýǵan. Ol Kenııadaǵy Ebola vırýsynyń alǵashqy jaǵdaıymen baılanysta bolǵan degen boljam bar. Osy aıdyń basynda Kongo Demokratııalyq Respýblıkasynan Naırobıge kelgen er adam 5 qazanda aýrýhanada qaıtys boldy.
Kenııa Densaýlyq saqtaý mınıstrligindegi derekkózdiń málimetinshe, segizinshi naýqasta alǵashqy sımptomdar senbi kúni paıda bolǵan. Ol karantındegi basqa adamdardan oqshaýlanǵan, al jeksenbide testileý júrgizilip, ınfektsııa rastalǵan.
Kenııa bıligi indet aımaqtan tys jerlerge taralǵandyqtan, qoǵamdyq densaýlyq saqtaý sharalaryn kúsheıtti. Naqtyraq aıtqanda, Ýgandamen aradaǵy Býsıa shekara beketinde qosymsha sharalar qabyldanýda.
Al Kongo Demokratııalyq Respýblıkasynda jeksenbi kúni indet eldiń segizinshisi provıntsııa — Soltústik Ýbangıge taralǵany rastaldy. Bul aımaqta indettiń órshýine qatysty alańdaýshylyqty kúsheıtti.
Eske sala keteıik, keshe Kenııada Ebola vırýsyn juqtyrǵandar sany jeti adamǵa jetken bolatyn.
