Kenııada prezıdent saılaýy kúni qaqtyǵystardan 6 adam qaza tapty
ASTANA. QazAqparat - Kenııada prezıdent saılaýynyń qaıta ótkizilýine qarsy narazylyq aktsııalary ótip, alty adam qaza tapty, dep habarlaıdy EFE .
Tamyz aıynda ótken saılaýdyń nátıjelerin eldiń Joǵarǵy soty joqqa shyǵarǵan bolatyn. Qyrkúıek aıynyń basynda Kenııa bıligi ekinshi ret saılaý ótkiziletini týraly málimdegen. Sodan beri elde tártipsizdikter údeı tústi.
Tamyzdaǵy saılaý qorytyndylaryna qarsy shyǵyp, ony joqqa shyǵarýǵa qol jekizgen oppozıtsııa basshysy Raıla Odınga jaqtastaryn bul jolǵy saılaý kúni úıde qalýǵa shaqyrǵanyna qaramastan, olardyń keıbiri saılaý ýchaskeleriniń aldyna jınalyp, narazylyqtaryn bildirdi.
Qatań qarsylyqtardyń týyndaýyna baılanysty Kenııa Saılaý jáne shekara jónindegi táýelsiz komıssııasy keı óńirlerde saılaýdy toqtatýǵa sheshim qabyldady. Jalpy, 40 883 saılaý ýchaskesiniń 5 319-ynyń jumysy toqtatyldy.
