Kenııada polıetılen qapshyǵyn paıdalanǵandar sottalady
Kenııa polıetılen qapshyqtaryn qoldanýǵa tyıym saldy, dep jazady Habar 24.
Bul - atústi shara emes, qatań tártipti talap etetin zań. Óıtkeni erejege baǵynǵysy kelmegender 40 myń dollar aıyppul tólep, 4 jylǵa bas bostandyǵynan aıyrylady. Kenııada kúshine engen jańa zań boıynsha polıetılen qapshyqty óndirýge, satýǵa tipti qoldanýǵa da bolmaıdy.
Shara qorshaǵan ortany qorǵaý maqsatynda qolǵa alynyp otyr. Óıtkeni tabıǵatty qorǵaýshylardyń aıtýynsha, bul qapshyqtar kúndelikti qoldanysqa qajet bolǵanymen, zııany kóp. Jelge ushyp, aıaqqa oralyp jatatyn bul qapshyqtar júzdegen jyl boıyna búlinbeıdi. Olar qubyrlardy bitep, sý men jerdi lastaıdy. Janýarlardyń da ólimine sebepker.
«Bul qapshyqtardyń kóbi qoqysqa tastalady. Odan sýǵa, jerge shashylyp, olardy mal jeıdi. Kele-kele mıkroplastık bizdiń ishimizge túsip, densaýlyǵymyzǵa orasan zor zııan keltirip jatyr. Alaıda kásipkerler zańǵa qarsy. Sebebi sharanyń saldarynan kóptegen jergilikti turǵyn jumysynan aıyrylǵaly tur», - deıdi Kenııanyń Qorshaǵan ortany qorǵaý mınıstri Djýdı Vakhýngı.
