Kenııada mekteptegi jappaı keptelisten 14 bala qaza tapty
NAIROBI. QazAqparat – Kenııanyń batysynda bastaýysh mektep ǵımaratynda bolǵan keptelis saldarynan 14 oqýshy qaza tapty. Bul týraly QazAqparat bbc.com saıtyna silteme jasap habarlaıdy.
Qaıǵyly oqıǵa dúısenbi kúni kúndiz Kenııanyń astanasy Naırobı qalasynan soltústik-batysqa qaraı Kakamega qalasyndaǵy bastaýysh mektepte bolǵan.
«Balalar jergilikti ýaqytpen saǵat 17:00-de sabaq aıaqtalǵannan keıin mektep ǵımaratynan shyǵyp bara jatqan. Habarlamaǵa sáıkes, keptelis sabaq aıatalǵannan keıin balalar shyǵyp bara jatqan kezde bolǵan. 40-qa jýyq mektep oqýshysy jaraqat aldy, olardyń keıbiri aýyr jaraqat alǵan. Barlyq zardap shekkender aýrýhanaǵa jetkizildi. Keı balalar alǵashqy medıtsınalyq kómek kórsetilgennen keıin úıine qaıtaryldy», - delingen habarlamada.
Kenııanyń bilim mınıstri Djordj Magoha Citizen TV ókilderine 14 balanyń qaza tapqanyn rastap, olardyń ata-anasyna kóńil aıtty.
Aldyn ala derek boıynsha, mekteptegi syǵylys baspaldaqtyń qıraýynan bolǵan.
Polıtsııa komandıri Kakamegı Devıd Kabena jergilikti BAQ-qa atalǵan fakti boıynsha tergeý bastalǵanyn habarlady.
