Kenııada lańkestik shabýyl jasalǵan qonaqúıden 50 adam qutqaryldy
ASTANA. QazAqparat - Kenııa quqyq qorǵaý organdary Naırobıdegi lańkester shabýyl jasaǵan qonaqúı keshenindegi adamdardy qutqaryp jatyr. Bul týraly Reuters agenttigi jergilikti qutqarý qyzmetine silteme jasap habarlaıdy.
Agenttik taratqan habarlarǵa qaraǵanda, atylǵan oqtardyń daýsy estilip turǵan qonaqúı kesheninen 50-ge jýyq adam evakýatsııalanǵan.
Buǵan deıin agenttik ortalyq ǵımarattarynda birneshe jaraly adam qalyp qoıǵanyn habarlaǵan. Keıbir derekterge qaraǵanda, qaza tapqandardyń sany 15-ke jetken.
Seısenbi kúni Naırobıdegi Dusit qonaqúı-keńse keshenine lańkester shabýyl jasady. Kenııa ishki ister mınıstriniń málimdeýinshe, polıtsııa keshenniń barlyq ǵımarattaryn baqylaýyna alǵan, ǵımarat aýmaǵyn tazartý jumystary aıaqtalar sátke jaqyndaǵan.
«Ásh-Shabab» radıkaldy toby lańkestikke jaýapkershilikti ózine alyp otyr.
