Kenııada eýropalyq týrıster mingen ushaq apatqa ushyrady
ASTANA. KAZINFORM — Kenııada týrıster mingen shaǵyn ushaq apatqa ushyrap, 11 adam qaza tapty, dep habarlaıdy Euronews.
Mombasa Air Safari-diń habarlaýynsha, bortta 11 adam — kenııalyq ushqysh, 8 Vengrııa azamaty jáne eki nemis jolaýshy bolǵan. Olardyń barlyǵy apat kezinde kóz jumdy.
Bıliktiń habarlaýynsha, Masaı Mara ulttyq qoryǵyna bara jatqan ushaq Dıanı qalasyndaǵy áýe jolaǵynan 40 shaqyrymdaı jerde taýly, ormandy aýmaqqa qulaǵan.
Quqyq qorǵaý organdary apattyń sebebin anyqtap jatyr. Apat kezinde qatty jańbyr jaýǵan. Kýágerler qatty jarylys dybysyn estigenin aıtty. Oqıǵa ornynda tótenshe jaǵdaılar qyzmeti jumys istep jatyr.
Mombasa Air Safari qaza bolǵandardyń týystary men jaqyndaryna kóńil aıtyp, tergeýge atsalysatynyn atap ótti.
Masaı-Mara qoryǵy — Kenııanyń eń tanymal týrıstik baǵyttarynyń biri. Ol shamamen 1510 sharshy shaqyrym aýmaqty alyp jatyr.
Osyǵan deıin Tehastaǵy áýejaı mańynda ushaq apatqa ushyraǵan bolatyn.