Kenııada Ebola vırýsyn juqtyrǵandar sany jeti adamǵa jetti
ASTANA. IKAZINFORM — Kenııada Býndıbýgıo túrindegi Ebola vırýsyn juqtyrýdyń taǵy tórt jaǵdaıy rastaldy. Osylaısha, tirkelgen naýqastardyń jalpy sany jeti adamǵa jetti, dep habarlaıdy Xinhua.
Kenııanyń Densaýlyq saqtaý mınıstrligi 17 qazanda habarlaǵandaı, jańadan vırýs juqtyrǵandardyń arasynda Eboladan qaıtys bolǵan alǵashqy naýqastyń jaqyn týysy jáne oǵan aýrýhanada medıtsınalyq kómek kórsetken úsh medıtsına qyzmetkeri bar.
Bul týraly Kenııa Densaýlyq saqtaý mınıstrliginiń densaýlyq saqtaý máseleleri jónindegi bas dırektory Patrık Amottyń málimdemesinde aıtylǵan.
Elde aýrýdyń halyq arasynda taralýyna jol bermeý sharalary kúsheıtilip jatyr.
Eske salaıyq, Kenııada Eboladan qaıtys bolǵan alǵashqy naýqas Kongo Demokratııalyq Respýblıkasynda turǵan osy eldiń azamaty bolǵan. Al Kongo Demokratııalyq Respýblıkasynyń shyǵysynda aýrýdyń buryn-sońdy bolmaǵan aýqymdaǵy órshýi jalǵasyp jatyr.
Aıta ketelik Ebola indeti Kongonyń jeti provıntsııasyna taraǵan edi.
