Kenııada bir maımyl búkil eldi jaryqsyz qaldyrdy
ASTANA. QazAqparat - Kenııada elektr energııasyn óndirýshi alpaýyt kompanııa búkil eldi jaryqsyz qaldyrǵan oqıǵaǵa maımyl kináli ekenin jarııa etti. Oqıǵa 7 maýsym kúni jergilikti ýaqyt boıynsha tún ortasynda bolǵan, maımyl sý elektr stansasyndaǵy transformatordyń ústine qulap túsken. Bul týraly newsru.com habarlady.
SES-yn basqaratyn KenGen kompanııasynyń ókilderi aqaýdy joıyp, odan keıin oqıǵanyń mán-jaıyn túsindirip, baspasóz paraqshasyn taratty. Baǵanaǵa órmelep kerneý transformatorynyń ishine qulap, elektr qýatynyń tuıyqtalýyna sebepshi maımyl eldi 180 MVt-tan astam elektr qýatynsyz qaldyrǵan.
KenGen kompanııasynyń habarlaýynsha, elektr stansasy jabaıy janýarlar kirip ketýinen qorǵalǵan qorshaýy bar ekendigi aıtylyp, alaıda sońǵy oqıǵa sekildi birli-jarymdy keleńsizdikke qynjylys bildirgen. Oqıǵaǵa kináli maımyl tiri qalypty, ony Kenııanyń jabaıy janýarlardy qorǵaýmen aınalysatyn KWS uıymynyń ókilderi alyp ketken.
