Kenııada avtobýs joldan shyǵyp ketip, 11 adam qaza tapty
ASTANA. QazAqparat - Kenııanyń batysynda Kısýmý okrýginde beısenbi kúni tańerteń qala mańyna qatynaıtyn shaǵyn avtobýs júrgizýshisi rýldi basqara almaı, joldan shyǵyp ketti.
Saldarynan 11 adam qaza taýyp, 7 adam jaraqat aldy, dep habarlaıdy Sınhýa.
Óńirlik jol polıtsııasynyń bastyǵy Endrıý Naıbeı saǵat 7.00-de apat saldarynan 11 adam qaza tapqanyn málimdedi.
Naıbeı aýyr jaraqat alǵandardyń aýrýhanaǵa jetkizilgenin atap ótti.
Ol avtobýs Mıgorı okrýginen Kısýmý qalasyna bara jatqan jolda jyldamdyqty shekten tys asyrǵan degen pikirde.
