Kenııada avtobýs pen eki júk kóligi soqtyǵysyp, 19 adam qaza tapty
ASTANA. QazAqparat - Kenııada avtobýs pen eki júk kóligi soqtyǵysyp, 19 adam qaza tapty, dep habarlaıdy Frans Press agenttigi polıtsııaǵa silteme jasap.
Oqys oqıǵa senbi kúni tańerteń el astanasy Naırobı qalasynan 120 shaqyrym qashyqtyqta Kenııanyń ortalyq bóligindegi Gılgıl qalasynda bolǵan. Polıtsııanyń aqparaty boıynsha, avtobýs basyp ozbaqshy bolǵanda eki júk kóligimen soqtyǵysqan.
«Bizde búgin tańerteń alapat apat boldy, sonyń saldarynan 18 adamdy joǵalttyq», - dep málimdedi polıtsııa bastyǵy Hassan Barýa (Hassan Barua).
Taǵy bir avtobýs jolaýshysy aýrýhanada kóz jumdy. Sondaı-aq birneshe adamnyń aýrýhanada jatqandyǵy habarlandy.
