Kenııada 71 adam sý tasqynynyń qurbany boldy

ASTANA.KAZINFORM - Kenııada sý tasqyny qurbany 71 adamǵa jetti. Bul týraly eldiń Ulttyq polıtsııa qyzmeti málimdedi, dep habarlaıdy TASS.

— Naırobı eń kóp zardap shekken aımaq bolyp otyr, munda 36 adam qaıtys boldy, - delingen qujatta.

Sonymen qatar nóser jańbyrdan týyndaǵan sý tasqyny 2,6 myńǵa jýyq otbasyny úılerin tastap ketýge májbúr etti jáne ınfraqurylymnyń jappaı buzylýyna ákeldi.

— Búkil el boıynsha izdestirý-qutqarý jumystary jalǵasyp jatyr, - dep tolyqtyrdy polıtsııa.

Polıtsııa azamattardy óte saq bolýǵa jáne sergek bolýǵa, sondaı-aq jańartylǵan aqparattardy muqııat qadaǵalap, mamandardyń usynystaryn qatań saqtaýǵa shaqyrdy.

Aýa raıy qyzmetiniń boljamy kórsetkendeı, aldaǵy kúnderi jańbyr jaýady.

Kenııada 6 naýryzdan bastap nóser jańbyr saldarynan sý tasqyny bolyp jatyr. Jaqyn mańdaǵy Efıopııa da jańbyrdan qatty zardap shekti. Bul eldiń ońtústiginde kóshkin men sý tasqyny saldarynan kem degende 107 adam qaza tapty.

Aıta keteıik, Brazılııada 23 aqpannan beri tolassyz jaýǵan jańbyr saldarynan bolǵan sý tasqyny kezinde qaza tapqandar sany 68 adamǵa jetti.