Kenııada 60-tan astam adam ishimdikten ýlanyp, kóz jumdy
ASTANA. QazAqparat - Kenııada 60-tan astam adam sapasyz alkogolden ýlanyp, kóz jumdy, dep habarlaıdy BıBıSı.
Ondaǵan adam ishimdikti ishkennen keıin kózderi kórmeı qalǵandaryn aıtyp shaǵym túsire bastaǵan. Olar etıl spırtine uqsas keletin metanolmen ýlanyp qalǵandyǵy anyqtaldy. Atalǵan suıyqtyqtyń saldarynan Embý, Kıtýı, Lımýrý, Kıambý oblystarynyń turǵyndary jan tapsyrǵan. Zardap shekkenderdiń naqty sany áli belgisiz. Jergilikti bılik anyqtaý ústinde.
Aldyn ala málimetter boıynsha, bundaı ishimdik Kenııanyń kóp jerlerinde qoldan jasalyp keledi, sebebi lıtsenzııalanǵan ishimdikterdi alýǵa turǵyndardyń múmkindikteri bola bermeıdi.
