Kenııa prezıdenti Ýılıam Rýto Qazaqstanǵa memlekettik saparmen keldi
ASTANA. KAZINFORM — Prezıdent Qasym-Jomart Toqaevtyń shaqyrýymen Kenııa Respýblıkasynyń prezıdenti Ýılıam Rýto Qazaqstanǵa memlekettik saparmen keldi, dep habarlaıdy Aqordanyń baspasóz qyzmeti.
Memlekettik saparmen Astanaǵa kelgen Ýılıam Samoeı Rýtony Qazaqstan Respýblıkasynyń Syrtqy ister mınıstri Ermek Kósherbaev qarsy aldy.
— Erteń joǵary deńgeıdegi kelissózder barysynda eki eldiń saýda-ekonomıkalyq jáne mádenı-gýmanıtarlyq yntymaqtastyǵyn damytý perspektıvasy talqylanady. Sonymen qatar birqatar qujatqa qol qoıylady dep josparlanyp otyr, — delingen habarlamada.
Budan buryn Aqordanyń baspasóz qyzmeti Memleket basshysy Qasym-Jomart Toqaevtyń «Altyn Orda – dala órkenıetiniń úlgisi: tarıh, arheologııa, mádenıet, biregeılik» atty halyqaralyq sımpozıýmda sóılegen sóziniń tolyq mátinin jarııalady.
