Kenııa Eboladan qorǵaný úshin shekarasyn jabatyn boldy
ASTANA. QazAqparat - Kenııa 20 tamyzdan bastap Ebola bezgegi órship turǵan Gvıneıa, Lıberııa jáne Serra-Leone elderinen kelýshilerge shekarany jabady, dep habarlaıdy BBC.
Elge tek sol jaqtan keletin óz eliniń azamattary men medıtsına qyzmetkerleri ǵana jiberiletin bolady.
BBC-diń habarlaýynsha, Kenyan Airways áýe kompanııasy atalǵan kúnnen bastap sol elderge reısterin toqtatady.
Dúnıejúzilik densaýlyq saqtaý uıymy sarapshylarynyń málimetinshe, Kenııa qazirgi kezde eń qaýipti aımaq oshaǵynda qalyp otyr. Óıtkeni Naırobı áýejaıy Afrıkadaǵy eń iri jolaıyryq bolyp esepteledi.
Aıta keteıik, qazirgi epıdemııa - tarıhtaǵy eń qasiretti epıdemııa bolyp otyr. Gvıneıada aqpan aıynda bastalǵan juqpaly aýrý qazir Lıberııa, Serra-Leone jáne Nıgerııa sııaqty elderge de taralyp ketti. 6 aı ishinde 2127 adam osy aýrýǵa shaldyǵyp, onyń 1145-i qaza tapty. Tek 12-13 tamyzda ǵana 76 adamnyń qazasy tirkeldi.
